”
قومی کرکٹ ٹیم کے سابق کپتان سعید احمد طویل علالت کے باعث لاہور میں انتقال کرگئے۔
20 سال کی عمر میں ویسٹ انڈیز کے خلاف ڈیبیو کرنے والے سعید احمد 86 برس کی عمر میں انتقال کر گئے۔ انہیں بدھ کو دوپہر کے وقت اسپتال لے جایا گیا اور کچھ ہی دیر بعد اسپتال میں ہی دم توڑ گئے۔
اس موقع پر پاکستان کرکٹ بورڈ (پی سی بی) نے سابق کپتان سعید احمد کے انتقال پر افسوس کا اظہار کیا۔ پی سی بی نے اپنے بیان میں کہا کہ مرحوم سعید احمد کے انتقال پر ان کے لواحقین اور عزیزوں سے تعزیت کرتے ہیں۔
غیر ملکی کوچ کا معاملہ ایک ہفتے میں حل ہو جائے گا، چیئرمین پی سی بی
خیال رہے کہ سعید احمد نے پاکستان ٹیم کی 41 ٹیسٹ میچز میں نمائندگی کی۔ انہوں نے 1958 میں ویسٹ انڈیز کے خلاف انٹرنیشنل ڈیبیو کیا تھا۔ سعید احمد نے ٹیسٹ کرکٹ میں 2991 رنز اسکور کیے جبکہ 22 وکٹیں بھی لیں۔
سعید احمد نے 15 سال تک 1958 سے 1973 تک پاکستان کرکٹ ٹیم کی نمائندگی کی۔ انہیں پاکستان کے لیجنڈری بلے باز حنیف محمد کے ساتھ کھیلنے کا بھی اعزاز حاصل ہے۔
”
