”
مدینہ منورہ اور ملحقہ علاقوں میں جمعے کے روز موسلادھار بارش ہوئی جس سے موسم خوشگوار ہو گیا۔
مسجد نبویؐ میں بھی باران رحمت خوب جم کر برسی، نمازیوں نے بارش کے دوان نماز جمعہ ادا کی اور بارش کے برسنے پر اللہ کا شکر ادا کیا۔
خیال رہے کہ سعودی عرب کے بیشترعلاقوں میں پیر تک بارش کی پیشگوئی کی گئی ہے۔
موسمیات کے قومی مرکز نے پیشگوئی کی ہے کہ مکہ مکرمہ، الجموم، الکامل، بحرہ، خلیص، طائف، میسان، اضم، العرضیات، تربہ، رنیہ، المویہ، کے علاوہ الخرمہ اور ریاض نئی موسمی صورتحال سے متاثر ہوں گے۔
تیز بارش اور آندھی کی پیش گوئی، محکمہ موسمیات نے الرٹ جاری کر دیا
بارش اور تیز ہوائیں چلنے کا امکان ہے جبکہ کچھ علاقوں میں بارش سے قبل گردو آلود ہوائیں بھی چل سکتی ہیں۔
قومی مرکز کا مزید کہنا ہے ریاض ریجن کے علاوہ الدرعیہ، عفیف، الدوادمی، القویعیہ، المجمعہ، ثادق، مرات، الغاط، الزلفی، شقرا، رماح، حریملا، ضرما، المزاحمیہ، الخرج، وادی الدواسر، السلیل، الافلاج، حوطہ بنی تمیام، الحریق، کے علاوہ جازان، عسیر، الباحہ، مدینہ منورہ، تبوک، الجوف، حدود شمالیہ، حائل الشرقیہ اور قصیم کے ریجن میں بھی بارش کا امکان ہے ۔
مکہ ریجن کے بعض علاقے جدہ، رابغ، اللیث، القنفذہ اور جازان ریجن گردآلود ہوائیں چلنے اور بارش کا امکان ہے جبکہ نجران اور الشرقیہ ریجنز میں بارش اور گرد آلود ہواں کا امکان ہے۔
محکمہ شہری دفاع نے غیر یقینی موسمی صورتحال کے حوالے سے شہریوں کو خبردار کرتے ہوئے احتیاطی تدابیر اختیار کرنے کی ہدایت کی ہے۔ محکمہ شہری دفاع نے کہا ہے کہ غیر ضروری سفر سے گریز کیا جائے۔
”
