”
پاکستان کی چین کو کٹلری کی برآمدات 25 فیصد اضافہ کے ساتھ ایک کروڑ ڈالر سے تجاوز کرگئیں، پاکستان نے چین کو 3.57 ملین ڈالر مالیت کے پلائرز، پنسر، ٹویزرز برآمد کیے۔
چائنا اکنامک نیٹ کے مطابق 2023 میں پاکستان کی جانب سے چین کو کٹلری اور بیس میٹل ٹولز کی برآمدات میں 25 فیصد کا نمایاں اضافہ دونوں ممالک کے درمیان مثبت تجارتی تعلقات کی عکاسی کرتا ہے۔
پاکستان کی وزارت تجارت کے ذرائع نے سی ای این کو بتایا کہ 2023 کے دوران چین کو پاکستان کی ٹولز اور کٹلری کی برآمدات 25 فیصد اضافے کے ساتھ ایک کروڑ ڈالر سے تجاوز کرگئیں۔
انڈونیشیا، دوران پرواز کاک پٹ میں سو جانے پر 2 پائلٹ معطل
ان کا مزید کہنا تھا کہ پاکستان نے 2023 میں چین کو 3.57 ملین ڈالر مالیت کے پلائرز، پنسر، ٹویزرز اور اسی طرح کے اوزار (کموڈٹی کوڈ 82032000))برآمد کیے جبکہ 2023 میں قینچی، درزیوں کی شیئرز اور اسی طرح کے شیئرز اور بلیڈز (کموڈٹی کوڈ 82130000) 2.39 ملین ڈالر سے تجاوز کر گئے۔
چائنا اکنامک نیٹ کے مطابق وزیر آباد میں مصروف بازار ورکشاپس اور اسٹور فرنٹوں سے بھرے پڑے ہیں، جہاں کاریگر محنت سے اپنا کاروبار کرتے ہیں، جدید جدت طرازی کو اپناتے ہوئے صدیوں پرانی تکنیکوں کو محفوظ رکھتے ہیں۔
ان کا کہنا تھا کہ شہر کی دستکاری نے عالمی سطح پر پذیرائی حاصل کی ہے، اس کی مصنوعات کو دنیا بھر میں شائقین اور جمع کرنے والوں کی طرف سے طلب کیا گیا ہے۔ چائنہ اکنامک نیٹ کے مطابق وزیرآباد میں کٹلری کے کاروبار سے وابستہ فیصل شہزاد نے کہا کہ یہ صنعت نہ صرف روزگار کے مواقع فراہم کرتی ہے بلکہ مقامی برادری کے لئے باعث فخر بھی ہے۔
”
